Gründer, styreleiar og medeigar, Magne Harry Madsen, forklarar det gode året med oppsving på prisane i høve til 2010.
Spesielt på makrell og sild var prisane gode. Noko som gav utslag i eit resultat på 14 millionar kroner.
– Makrellen steig masse, frå kring ti kroner til 12–13 kroner. Det vart også betre på sild med kring seks kroner silda, mot kring fire kroner i 2010, seier han.
(Artikkelen held fram under tabellen)
Kraftig oppsving
Ifølgje Fiskeridirektoratets register for stor- og småfiske, var «Fiskebas» blant båtane med størst fangst i fjor. Driftsinntektene steig med 63 prosent i høve 2010, og underskot på to millionar forbetra seg med 16 millionar kroner.
– Prisane svingar veldig og fjoråret var godt, og vi hadde lite utgifter. Skipperane våre er flinke og effektive når dei går ut, seier administrerande direktør Siv Madsen.
Det gode året slo også positivt ut for dei seks største eigarane av ringnotbåten som no er seld til Austevoll. Spesielt for Geir Magne Madsen som i fjor noterte seg for 1,8 millionar kroner i skattbar inntekt.
(Artikkelen held fram under tabellen)
Lyng på toppen
Mest av fiskarane tente Agnar Johan Lyng i Måløy. 49-åringen er medeigar i «Torbas», som i motsetning til «Fiskebas» opplevde ein svak nedgang på inntektssida. Resultatet derimot stupe med over 14 millionar kroner.
(Artikkelen held fram under tabellen)
Lyng heva ifølgje Purehelp 2,1 millionar kroner i løn som administrerande direktør i Torbas AS, Kvalstein AS, Lyng AS og Ringbas AS. I tillegg er han administrerande direktør i ytterlegare fire verksemder, og styreleiar i ei lang rekkje andre verksemder.
I skattelistene står Lyng oppført med ei skattbar inntekt 2,1 millionar og ei formue på over 16 millionar kroner.