Fire nye tilfelle av koronavirus
Det er oppdaga fire nye tilfelle av koronavirus i Bergen. Alle tilfella er i samband med reiser til Nord-Italia.
Personane har ikkje nødvendigvis vore i Nord-Italia, men har hatt relasjonar til folk som har vore der.
Dei smitta har fått heimekarantene. Etatsdirektør for helsetenester, Brita Øygard, seier til NRK at 7-8 personar totalt har fått beskjed om å halde seg heime. Det kan bli fleire som får heimekarantene i løpet av kvelden.