Tradisjon tru vart skipet «Deep Energy» døypt med edle dråpar i føremiddag. Ei rekkje prominente personar hadde møtt opp for å få med seg hendinga, for det er eit heilt spesielt skip som no er klar for å leggje ut på havet.
«Deep Energy» skal kunne leggje røyr ned mot 3000 meters djupne, og er eit av dei mest avanserte servicefartya for oljenæringa i heile verda.
– Vi leverer frå oss eit fantastisk skip som vi har brukt mykje tid og krefter på, seier Gustav Johan Nydal som er direktør ved Westcon Yard Florø.
Har ingen nye store kontraktar
Då gigantskipet kom til Florø hausten 2001 brakte det med seg håp om ei ny framtid for skipsindustrien i kystbyen. Verftet kunne tilsette nye folk, og arbeidet som låg framover dei førte til glødande optimisme.
- LES OGSÅ:
- LES OGSÅ:
Men når Deep Energy no er overlevert til den franske eigaren Technip har ikkje verftet i Florø noko ny stor kontrakt å starte på.
Den siste tida har fleire store kontraktar gått til utanlandske verft. Verftsdirektøren fryktar likevel ikkje for framtida.
– Det er alltid urovekkjande når store kontraktar går utanlands, men dette var også ei kontrakt som opphavleg gjekk utanlands. Men så kom den tilbake til Norge for å bli ferdig her, seier Nydal.
(Artikkelen held fram under biletet)
Ser likevel lyst på tida framover
Også styreleiar Arne Birkeland i Westcon Yard Florø er budd på å møte konkurransen frå utlandet.
– I Norge er innovasjonen og innovasjonstakta stadig høgare. Dei kjem stadig nærare, men det kan vi berre handtere med å jobbe hardare, seier han.
Uansett betyr ferdigstillinga av gigantskipet tv arbeidsstokken på verftet blir halvert frå vel 600 til 300 arbeidarar.
Men heller ikkje tillitsvald Audun Grønnevik ser mørkt på tida framover.
– Eg er ikkje uroa. Vi har vore borti dette mange gonger før, og eg veit at det blir jobba med ein del store kontraktar, seier Grønnevik.