SOMU vart etablert av musikkorganisasjonen Brak i år. Dette er den første stønadsordninga for musikk i Sogn og Fjordane. Pengane får dei frå Sparebankstiftinga.
NØGD JURYFORMANN: Jarle Kvåle.
Foto: PressefotoDet kom inn søknader om til saman 700.000 kroner, og ein jury har vurdert søknadene. Juryformann Jarle Kvåle, kjend som bassist i Vreid, seier dei hadde ei vanskeleg oppgåve.
– Det var veldig mange gode søknader med spennande prosjekt, og vi skulle gjerne ha støtta fleire. Uansett er vi godt nøgde med å kunne støtte så mange i første tildelinga vår.
Håpar på auka aktivitet
Han håpar tildelinga vil føre til auka aktivitet i musikklivet i Sogn og Fjordane.
– Det er utruleg bra at vi har fått Brak og dette fondet på bana. Det er med på å belyse og kartlegge all den aktiviteten som er i fylket vårt. Vi treng definitivt eit løft i satsinga både på musikarar og arrangørar, og eg håpar at denne tildelinga vil stimulere til framgang for aktørane som har fått stønad.
Dei to andre i juryen er Laila Beathe Førde og Per Mygland.
Her er dei som har fått pengar:
Turnéstønad: Mistur (25.000 kr) og Kari Malmanger (15.000 kr).
Stønad til innspeling/distribusjon: Cage of Torment (10.000 kr), Sva Marga (10.000 kr), Bufaste Tonar (10.000 kr), Nifrost (15.000 kr), Lena Skjerdal (10.000 kr) og Lillian Samdal (15.000 kr).
Stønad til demo: Ungrateful: (5000 kr).
Stønad til konsert: Åmot Operagard (10.000 kr).
Stønad til konsertserie: Gloppen Scene (15.000 kr) og Potetkjedlaren (10.000 kr).