Endå meir sild og makrell skal no takast imot og frysast ned i Måløy. Verdas største selskap innan sild og makrell skal nemleg investere 65 millionar kroner i eit nytt fryselager.
Norway Pelagic sitt nybygg har ein lagringskapasitet på 20.000 tonn og skal ligge på industriområdet Trollebø i Vågsøy, der selskapet også har mottak.
Færre og større anlegg
Direktør Gunnar Domstein
Foto: NRKKvotane på særleg sild og lodde kjem til å bli reduserte i åra som kjem, medan makrellstammen held seg stabil.
Mindre tilgong på fisk fører dermed til at det blir færre og større anlegg lang kysten.
- Ja, det seier seg sjølv at det er for mange og for små anlegg i dag. Kvar det skal leggast ned anlegg og kor mange som blir vekke blir bestemt etter kvart. Det seier administrerande direktør, Gunnar Domstein.
Hordaland taparen
Norway Pelagic eig i alt 11 av totalt 40 fiskemottak langs kysten.
No forsinn 30 arbeidsplassar i Bergen, 20 av desse er sesongarbeidarar. Anlegget blir stengt til sommaren og dei tilsette vil få tilbod om jobb ved andre anlegg.
Samtidig som det no forsvinn arbeidsplassar i Bergen, vil arbeidarane i Måløy gå ei tryggare framtid i møte.
Gunnar Domstein kan ikkje svare på om dei kjem til å tilsette meir folk i Måløy, men han garanterer at det blir meir jobb til dei allereie arbeider der.