- Vi ønskjer å få klarsignal frå styret slik at vi kan skifte ut ambulansar, seier konstituert administrerande direktør Vidar Vie i Helse Førde.
Vil bruke 6,5 millionar
Helse Vest har som kjendt gjeve helseføretaket moglegheit til å auke investeringsramma med 60 millionar kroner.
- Vi vil bruke 6,5 millionar på å skifte ut ambulansar som har gått langt. Og det er viktig å få til denne utskiftinga no, seier Vie.
- LES OGSÅ:
Bør skifte kvart år
I styresaka som blir behandla i neste veke står det at: det med grunnlag i køyrte kilometer per år og tal bilar bør det som eit minimum bytast ut fem ambulansar årleg i Helse Førde. Dette er vurdert utifrå reperasjonskostnader og driftssikkerheit.
Det er to år sidan siste innkjøp av ambulansar i føretaket, og administrerande direktør ønskjer å setje i verk bestilling av fem nye ambulansar i haust.
Helse Førde vil også vurdere om det er rom for det i budsjettet til å skifte ut fleire ambulansar i 2011.