Brannmannen skal ha halde ei oksygenflaske då den eksploderte i hendene på han.
– Etter det vi kjenner til skal han vere skadd i ein fot, men vi kjenner ikkje detaljane, seier operasjonsleiar Wenke Hope ved Sogn og Fjordane politidistrikt til NRK.no.
Ho kan førebels ikkje seie noko om dette var ei oksygenflaske som vart flytta ut av stasjonsbygningen eller om dette var ei oksygenflaske brannvesenet sjølv hadde med til staden.
Arbeidstilsynet er varsla.
Ved AMK får NRK.no opplyst at brannmannen, ein 43 år gamal mann, er lettare skadd og sendt til operasjon.
- LES OGSÅ:
Klokka 13.50 opplyser Alarmsentralen at brannvesenet driv ettersløkking på staden.
– Arbeidet er vanskeleg, for det driv heile tida og blussar opp att, seier Terje Brandsøy ved Alarmsentralen.
Dei vil no be brannvesenet på Bringeland lufthamn om assistanse, for å kunne bruke skum i arbeidet med å få full kontroll på brannen. Ifølgje Brandsøy fryktar ein ikkje lenger at det skal ta fyr i pumpeanlegget.