Det vart mykje bråk då det i fjor sommar kom fram at åtte av ti jordbærbønder ikkje hadde skikkeleg arbeidskontrakter med dei utanlandske arbeidarane sine. I tillegg skal fleire utanlanske jordbærplukkarar ha fått under 40 kroner dagen.
- I år ser det ut til at bærbøndene er i ferd med å ordne opp i problema frå i fjor, seier Pål Erdal i Arbeidstilsynet.
- Arbeidsvilkåra er mykje betre for dei utanlandske jordbærplukkarane.
Jordbær
Foto: Heidi Lise Bakke / NRKHar kontraktar
Jordbærbonde, Kåre Hauge, frå Vereide på Sandane viser oss rundt i leiligheita der seks av dei ni latviske jordbærplukkarane hans bur.
- Her har dei eige bad, kjøkken, stove og soverom, fortel han.
Kåre Hauge har fått på plass kontrakter for alle arbeidarane sine i år.
- I denne permen her har eg dokumenta til alle dei ni arbeidarane, seier Hauge og viser dei fram.
Betre løn
Tine Meierier kjøper bær hos fleire bringebærbønder i fylket. Fabrikksjef ved Tine Meieriet i Vik i Sogn, Aksel Njøsen, seier at dei betalar meir for bæra no enn tidlegare.
- Dette gjer me for at bærbøndene skal få råd til å betale plukkarane meir tariffløn, fortel han.
Trivst med arbeidet
Janis Petersons og Alexandres Tumbahs har komme inn etter dagens fyrste økt i jordbæråkeren.
Janis har både kone og barn som ventar i Latvia medan han er i Noreg for å tene pengar til familien. Til dagleg jobbar han i ein bank i Lativa, medan Alexandres jobbar i eit konditori. Men der tener dei ikkje nok til å kunne klare seg. Difor er dei svært glad for å få komme til Noreg for å tene fem-seks gongar månadsløna han har i Latvia.
- Me trivst, har ein veldig bra sjef, og det er flotte menneske i Noreg, seier dei glade bærplukkarane.