Med berre ei tynn line mellom seg og den frådande Fatlafossen, stod 21-åringen for kanskje det mest spektakulære stuntet under festivalen Fjell og Fjordmoro.
– Lina var eigentleg kjempefin og det var utruleg fin stad med fossen under. Heilt magisk, men det var eit helvete å komme seg opp. Skikkeleg steinur, bratt og steinete. Så eg er glad vi slapp å gå ned att same vegen som vi kom opp, fortel austlendingen.
– Ei rå oppleving
Spennet over fossen var på ti meter.
Ein femtedel av spennet over Kinnaklova som Aker og kameraten Eilif Rosnæs
i Florø tidlegare i sommar.- LES OGSÅ:
– Det var litt bommert. Eit alt for stort prosjekt, så då var det herleg å køyre dette prosjektet her. Men det var ei rå oppleving, seier Aker om opplevinga 70 meter over juvet til Kinnaklova.
(Artikkelen held fram under videoen)
Kutta seg i kneet
Stuntet i helga var av det spontane slaget. Etter å ha kryssa over fossen, ramla 21-åringen av lina og fekk seg eit kutt i kneet då han ramla i ein stein.
– Eg kjende meg trygg, men ramla på tur nummer to. Eg veit ikkje heilt kva som skjedde. Hadde eg berre gått på, så hadde det sikkert gått greitt. Men når du feiger ut, så blir det krasj, seier Aker som måtte ein rask tur innom legevakta for å sy kuttet.
– Det var veldig kult å komme over. Det var ei utruleg kjensle av fossen, litt vind og lyden av ordentleg buldring. Ei utruleg naturkjensle. Eit eventyr, oppsummerer 21-åringen stuntet i Sogn.