"Flonaldo" gjer comeback

35-åringen som la opp tidlegare i år , har signert kontrakt ut sesongen og blir dermed lagkamerat med tidlegare Chelsea-spelarar Roberto Di Matteo og Eddie Newton.

- Vi har alltid sett etter ein ny spiss med ulike spisskvalitetar. Tore har også ein del erfaring og vi vonar at han blir ein "hit", seier manager Di Matteo til klubben sine heimesider .

Håpar på mange mål

Tore Andre Flo hadde ikkje meir enn gjort ferdig "Skal vi danse"-finalen på TV2, før spekulasjonane byrja å rulle om at stryningen ville gjere comeback . Milton Keynes Dons stadfesta også at Flo har trena med klubben. Flo har 76 landskampar og 23 mål for Norge.

- Eg vonar at han vil bidra med både erfaring og visjon, men til sjuande og sist så er han ein spiss så vi håpar at han vil score mange mål, seier manageren.

La opp i mars

Flo la opp i mars i år. Han hadde då vore gjennom ein tung periode med skadar i Leeds . Signala var då at han ville bli trenar .

LES OGSÅ: Ærleg Flo om langt fotballiv

Han trena i sommar med klubben som tidlegare var kjend som "Crazy Gang". No gjer han comeback på bana for Legaue 1-klubben. MK Dons er nummer fire på tabellen, to poeng bak leiande Scunthorpe. Flo & co møter i helga Walsall på bortebane.

SJÅ: Høgdepunkta frå Flo si karriere