Biscotti, lefser, ostekake eller suksessterte kvar gong naboen eller svigermor kjem på besøk, kan vere ei medverkande årsak til overvektige bygdefolk.
Det meiner i alle fall kjendisinstruktøren Kari Jaquesson.
- LES KOMMENTAREN:
Sesjonstal frå Forsvaret for 2011 viser at unge menn frå Oslo i snitt veg seks kilo mindre enn dei tyngste i landet, som er jamaldringane i Sogn og Fjordane.
- LES OGSÅ: Bygdefolk er tjukkare enn byfolk
- LES OGSÅ: Nordlendingane er feitast i landet
– Det er ei forventing om at når det kjem besøk, så skal du diske opp med kaker. Det er ein viktig del av kulturen, seier Jaquesson.
Kulturelle mønster
Tala er henta frå Levekårundersøkinga frå 2008. Denne undersøkinga er den einaste landsomfattande oversikta for norske vaksne si vekt siste åra, og er basert på svar frå kring 6 600 personar.
- KVA MEINER DU? SEI DI MEINING NEDST I SAKA.
(Artikkelen held fram under avstemminga)
Undersøkinga seier ingenting om kvifor bygdefolket har nokre kilo ekstra på kroppen.
- LES OGSÅ: Alle har dessertmage
- LES OGSÅ: Tenåringar blir fedmeoperert
– Vi veit at inntekt og utdanning spelar inn på helse og vekt, men eg trur også mykje kan skuldast kulturelle mønster, seier fagsjef ved Folkehelsenistituttet, Sidsel Graff Iversen.
Må springe til T-bana
Iversen trur at mangelen på godt kollektivtilbod og ein større del bilkøyring på bygda spelar inn.
- LES OGSÅ: Snakk med borna om overvekt
Jaquesson, som er aerobicinstruktør og journalist, er samd i det kan vere ein annan grunn til overvekt på bygda.
– I Oslo, uansett om du er aldri så lat, så må du liksom gå til T-bana og trikken, mykje meir enn om du bur ute på ei øy og må køyre bil for å komme deg nokon stad, seier ho.
Vil køyre bil
Jaquesson fortel at ho for nokre år sidan var på oppdrag på «landet».
Kroppsøvingslærarar i vidaregåande skule skal då ha fortalt at dei merka markant nedgang i fysisk form frå første til siste år.
– Kva skjedde frå første til siste? Jo dei fekk lov til å køyre motoriserte køyrety, og det gjorde dei så fort ein fekk lov til, seier Jaquesson.