Statens Vegvesen skal bruke 18 millionar kroner på den Nasjonale turistvegen over Gaularfjellet fram mot 2012.
Positivt for næringslivet
Per Kollstad ved Statens vegvesen trur dette vil ha positive verknader for næringslivet i området.
- Gaularfjellet er fossevegen. Her kan du køyre langs fossevassdrag langs heile strekninga. Så her er det viktige å byggje utsiktspunkt, seier han.
Gaularfjellet vert ein av i alt 18 vegstrekningar her til lands som skal marknadsførast internasjonalt.
Per Kollstad seier at det skal byggjast 3 nye stoppunkt på Gaularfjellet i åra som kjem. Desse skal gjere at turistane kjem nærmare naturen.
Fleire turistar
Det er i dag 5 nasjonale turistvegar i Noreg. Delprosjektleiar, Vigdis Lobenz, seier at turistvegstatusen har ført til auka turisme for desse. No trur ho Gaularfjellet vil oppleve det same.
- Vi håpar at det skal bli ringverknader, og at det blir etablert ein del nye næringar som baserer seg på turisme, seier ho.