Politiinspektør Ronny Iden.
Foto: Cosmin Cosma / NRK- Vi vil nok liggje på omlag 10 000 kroner viss ulovleg rakettoppskyting skjer til dømes menneskemengder. I tilfelle der folk blir skada, må ein rekna med ein hardare reaksjon, seier politiinspektør Ronny Iden ved Sogn og Fjordane politidistrikt.
Forbode med styrepinnar
Forbodet mot å bruke rakettar med styrepinne i Norge vart innført i fjor, og gjeld fortsatt. Som eit resultat av forbodet gjekk talet på personsskade og brannar kraftig ned landet over.
– Vi er spente på om den gode statistikken held seg ved årets nyttårsfeiring, seier administrerande direktør Dagfinn Kalheim i Norsk Brannvernforening til NTB.
Mange færre skader
Han er godt nøgd med at talet på skadde gjekk ned frå 155 ved nyttårsaftan 2007/2008 til 61 i fjor. Talet på alvorlege augeskader vart redusert frå 23 til ni.
- Men førebels har vi berre erfaring frå ei nyttårsfeiring. Det er for tidleg å slå fast at forbodet mot rakettar har varig effekt.
- Ver forsiktige
I Sverige vert raketter med styrepinnar seld helt lovleg, men det er forbode å kjøpe fyrverkeri i Sverige og ta det med over grensa til Norge.
Rakettar uten styrepinne er fortsatt lovleg både å kjøpe og bruke i Norge, men Kalheim oppmodar likevel folk om å vere forsiktige.
– Det er viktig at utskytingsrampen er plan, at den som tenner lunta er edru. I tillegg skal det ikkje gjerast eit nytt forsøk på å tenne lunta om det tilsynelatande var mislukka første gang, seier Kalheim.