Det seier hovudtillitsvald for offentleg tilsette tannlegar, Øystein Sivertsen.
Sivertsen er usamd med fylkesvaraordførar Tor Bremer si løysing på tannhelseproblema i fylket.
- Problemet er mangelen på tannlegar
Sivertsen er samd i at situasjonen i tannhelsetenesta ikkje er god nok, men ikkje i kva som må til for å løyse problemet. - Hovedutfordringa ligg i å fylle dei ni ledige tannlegestillingane i fylket, meiner Sivertsen.
Prekær situasjon
Sivertsen kallar situasjonen i enkelte delar av fylket for prekær. Han seier at det snart berre er ein fungerande klinikk i Ytre Nordfjord. - I Måløy er det ingen, i Bremanger er det ingen, i Selje er det heller ingen, og på Nordfjordeid veit vi at det blir ledig til hausten.
- Tannpleiarane kan korte køen
Tillitsvald for tannpleiarane i fylket, Heidi Kvalheim, gjekk i førre veke ut og støtta Bremer sitt forslag. Kvalheim meiner fleire tannpleiarar kan gjere noko med køane på tannklinikkane.
- Eg tykkjer det er viktig når vi no har mangel på tannlegar, at tanlegane får drive med det arbeidet som dei kan, som er å behandle tenner. Der det er problem med å få tannlege burde ein i alle fall sjå på dei ressursane vi har, og bruke ressursane vi har på ein anna måte, meiner Kvalheim.
Kritisk til organisering
Fylkesvaraordførar Tor Bremer stiller og spørsmål ved den administrative organiseringa til tannhelsetenesta. - I dag
er tannhelsetenesta delt opp i fire tannlegedistrikt, kvar med sin sjølvstendige overtannlege. Ein heilt feil bruk av ressursar, meiner Bremer
- Det er Fylkestinget som har bestemt strukturen
Utspela til Bremer fell ikkje i god jord hos Sivertsen. - Eg tykkjer det er lite gjennomtenkt. For det første så er det Fylkestinget som har lagt premissane for korleis tannhelsetenesta skal organisertast. For det andre så ser ikkje eg at det kan gjerast så mykje meir. Kanske kunne ein slått saman to av tannlegedistrikta. - Men eigentleg så trur eg ikkje det er så mykje å spare, i alle fall ikkje på tannlegeressursar