Det seier Inge Atle Myren. Han er far til 15 år gamle Camilla Myren, som omkom i ei trafikkulukke i Stryn for vel ein månad sidan.
LES OGSÅ:
LES OGSÅ:
LES OGSÅ:
- Lett å betale seg frå straff
Sidan ulukka på rv 15, like aust for Stryn sentrum, har over 11 ungdomar mista livet i trafikkulukker der det er mistanke om høg fart. Seinast i helga omkom ein 24-åring i Naustdaltunnelen. Myren krev at råkøyrarane blir straffa hardare.
LES OGSÅ:
LES OGSÅ:
- Pengar har vi etterkvart bra med i landet. Det er veldig enkelt å betale seg i frå ei straff. Må ungdom og vaksne vere fotgjengarar i eitt år eller halvanna år, så skal det ikkje så mange til før smitteffekten blir ganske stor, meiner han.
(Saka held fram under biletet)
- Feige politikarar
Myren trur politikarane er for feige til å vedta strengare straff for alvorlege fartsoverskridingar.
- Dei let det berre dure og gå. Dei bryr ikkje seg i det heile. Eg trur dei er redde for å bli upopulære. Dei er redde for å kome med upopulære tiltak, seier han.
- Inga enkel løysing
Politisk rådgjevar for samferdsleminister Liv Signe Navarsete, avviser at politikarane er feige. Ho viser til haldningskampanjar, fokus på graderte førarkort og ny trafikkopplæring.
- Eg trur ikkje det er ei enkel løysing, men eitt breidt spekter som må på plass for at vi skal kome ned mot ein nullvisjon, seier ho.
- Kven skal miste fridomen?
For Myren som mista 15-åringen sin i vår, er bunnar det heile i eitt spørsmål.
- Skal vi ta fridomen frå ein som køyrer for fort, eller skal vi ta fridom frå ein ungdom slik som skjedde med ho Camilla. For min del er det ikkje så veldig vanskeleg å svare på det.