- Staten må betale utgravingar

Vedtaket på landsmøtet i partiet i helga kom frå Sogn og Fjordane, og fylkesleiar Karen Marie Hjelmeseter er godt nøgd med utfallet på landsmøtet.

– Vi fekk støtte for vårt framlegg, og det er eg utruleg glad for. Dette inneber at Staten må ta meir ansvar for kostnadene med arkeologiske utgravingar og undersøkingar.

Mange seier ikkje frå om funn

Mange grunneigarar har måtta betale dyrt for at det er oppdaga pilespissar, spyd og kokegroper på eigedommane deira. Slik reglane er i dag fell ein stor del av kostnaden med å grave ut fornfunn på dei som eig grunnen.

Mange av dei har difor valt å ikkje seie frå når dei har funne noko frå fortida.

• LES OGSÅ: Sp krev at staten betalar utgravingar etter gamle gjenstander
• LES OGSÅ: Mange grunneigarar har skjult kulturskattar opp gjennom åra

Dersom Senterpartiet no får gjennomslag for at Staten må ta ein større del av rekninga kan det få mykje å seie for framtidige utbyggingsprosjekt, seier Hjelmeseter.

– Det er kostnadskrevjande for dei som skal byggje ut om dei må ta desse kostnadene sjølve, det gjeld både private utbyggarar og kommunar. I verste fall kan gode prosjekt bli kansellerte fordi det blir for dyrt.