No er mannen tiltalt for ei rekkje tilfelle av vald, truslar, tvang og andre krenkingar i ein periode på 20 år, skriv VG.
- Han har også nekta henne mat og pengar over fleire dagar av gongen, og kasta henne ut av bilen deira slik at ho har måtte gå heim, heiter det i tiltalebeslutningen.
Nektar straffskuld
Saka er beramma til oktober. Strafferamma er seks års fengsel. Forsvararen til mannen, Walter Høivik, seier klienten hans nektar straffskuld.
- Han meiner skuldingane er uriktige, og at han ikkje har gjort noko straffbart, seier han til avisa og meiner tiltalen er bygt på påstandar frå kvinna.
- Spørsmålet er kven ein trur på, seier han.
Vart lagt vekk
Bistandsadvokaten til kvinna, Robert Fonn, seier politiet tok tak i saka på eiga hand etter at ho ba om besøksforbod. Saka vart opprinneleg lagt vekk, men vart påklaga. Etter ny utarbeiding vart det teke ut tiltale.
- Dette er vanskelege saker, som det er utruleg viktig at politiet grip tak i, seier politiadvokat Inger Beth Fosse ved Sogn og Fjordane politidistrikt.