- Ikkje særleg smart
Kommunikasjonsdirektør Tor Inge Akselsen i Staten har inga forståing for det sterke engasjementet for kabling gjennom Sogn og Fjordane. - Eg skjønar ikkje at nokon kan sjå på det som særleg smart, for å vere heilt ærleg.
Løyser ikkje problemet
- Kabling vil ikkje løyse problemet vi er ute etter å løyse løyse. Ein kabel rundt kysten vil ikkje vere ei god løysing i forhold til planane om å bygge fornybar energi i Sogn og Fjordane, seier Akselsen.
Let seg ikkje påverke av Hardanger
Det har ført til omfattande krav om kabling også andre stader i landet etter at regjeringa vil utgreie kabel-løysing gjennom Hardanger. Mellom anna krev både Høgre og SV her i fylket at den planlagde straumlina frå Ørskog til Fardal blir lagt i kabel. Men dette har Akselsen liten sans for.
- Klimaløysingar er avhenging av at vi satsar på fornybar energi, slik det ligg store planar om her i landet. Og Sogn og Fjordane er eit viktig fylke i så måte. Dersom vi ikkje finn løysingar som kan bringe krafta dit den trengs, så får vi ikkje dette til.
- For tidleg å konkludere
SV ynskjer ein gjennomgang av sjøkabel, slik som den i Hordaland. - Statnett trekkjer konklusjonar altfor tidleg, seier fylkeleiar Heidi Kathrin Osland.