I dag kom det fram at
under eit stemne i San Giovanni, Italia, i mai i år.Friidrettsforbundet fekk melding om den positive dopingtesten i byrjinga av juni, og informerte Erik Tysse under eit møte på Flesland den 3.juni.
LES ÒG:
|- Me har brukt mykje tid og tankar på det
Søster og kappgjengar Kjersti Tysse Platzer fekk vite om testresultata av broren med det same. Ho bedyrer at broren ikkje har brukt produktet det er snakk om.
- Me har spekulert mykje i kva som kan ha skjedd, og brukt mykje tid og tankar på det.
Stoffet Erik Tysse har testa positivt på heiter CERA, og er eit tredjegenerasjons EPO. Kjersti Tysse Plätzer seier ho er skremt over at ein kan få utslag for noko ein ikkje ha brukt under ein dopingprøve.
- Du blir berre heilt sjokka
- Du blir berre heilt sjokka. Eg kan ikkje seia noko om korleis det kan skje, eg er heller ingen kjemikar som kan lesa testresultata, seier ho.
- Alt eg veit er at det er skremmande korleis ein kan ha ein positiv prøve når ein ikkje har brukt doping, seier Tysse Plätzer.
Kjersti Tysse Plätzer tok mellom anna sølv i kappgang i OL i Beijing i 2008. Ho er gift med Stephan Plätzer, som er trenar for både ho og Erik Tysse.
Advokaten har bede om ein rekonstruksjon
Erik Tysse har engasjert advokat Gunnar Martin Kjenner i kampen for å bli reinvaska.
Advokaten seier dei har bede om ein rekonstruksjon av alt som skjedde før og under dopingtestinga som gjekk føre seg i San Giovanni i mai. (Sjå videoen under.)