Laurdag hadde Selje kommune ei redningsøving med ei iscenesatt bilulukke, der ungdom fekk føle på kroppen korleis det er å vere innestengt i eit bilvrak, og ikkje minst kva ein skal gjere om ein kjem til ein ulukkesstad.
Marita Aarvik, prosjektansvarleg for fyrstehjelpopplæring i Selje kommune, meiner livredning bør bli obligatorisk på timeplanen i grunnskulen.
Personleg skriv til Frp
- Personleg har eg laga eit skriv til mitt eige parti, Framstegspartiet, der eg har skissert eit løp der elevane startar med enkel førstehjelpopplæring i første klasse. Deretter aukar ein kunnskapen, og avsluttar med å kunne bruke ein halvautomatisk hjertestartar i tiande klasse. Dette er ikkje eit stort og komplisert opplegg, men eit veldig godt hjelpemiddel for befolkninga totalt sett.
Prøvde å redde faren
Det er viktig å få dette inn i grunnskulen, meiner ho, for her kan einå alle, og har ein fyrst lært det så sit det. Ho viser til tretten år gamle Victoria Aarvik, som greidde å utføre førstehjelp på faren då han fekk hjarteinnfarkt i vinter, fordi ho hadde lært kva ho skulle gjere.
Positive signal frå Siv Jensen
- Eg har fått positive signal frå Siv Jensen, som har sendt saka vidare inn i utdanningsgruppa i partiet, no håpar eg alle dei andre partia ser viktigheita og nytten av dette, seier Aarvik.