Løypa er tre kilometer lang og er i følgje Erling Stadheim prikken over i'en for Vik skisenter.
- Dette er ikkje berre stort for skiskyttarane frå Vik, men også for alle i regionen og landet som går på rulleski, strålar Stadheim.
Kosta tre millionar kroner
Presidenten for skiskyttarane, Tore Bøygard, kasta glans over storhendinga. Også leiar i skiskyttarkrinsen, Marit Hjelle var med på markeringa. I tillegg til noverande og tidlegare ordførar i Vik, Martha Finden Halseth og Erik Lidal, og leiar Jorunn Åsfrid Røyrvik i skigruppa i Vik. Heile skianlegget har kosta 28 millionar. Berre asfaltløypa kosta tre millionar kroner.
- Etter vårt syn, med det landskapet utøvarane kan trene i, er dette eit av landets flottaste anlegg for rulleskiskyting, strålar Stadheim.