- Etnisitet har i dette tilfelle ingen ting med sjølve brotsverket å gjere, seier han til NRK Sogn og Fjordane.
Ei 13 år gamal jente skal ha vorte utsett for seksuelle overgrep i Florahallen i førre veke.
LES:
- Ei eingongshending
I går fortalde lokale media at dei tre pågripne er av utanlandsk opphav. Det stod å lesa på nettsidene til avisene Firda og Firdaposten, og vart også opplyst i radiosendinga i NRK Sogn og Fjordane.
- Dette er ei eingongshending. Det trur eg dei fleste i Florø ser, seier Melvær til avisa Firda.
Forstår kva han meiner
Politistasjonssjef Nils Erik Eggen seier han forstår innvendingane frå Melvær, men seier at han valde å vere open om dette fordi det allereie var kjent i lokalmiljøet og media.
- Eg forstår godt kva han meiner. Eg skal for så vidt vera einig i at han har eit poeng, men i den situasjonen me var i går var det vanskeleg å dekka over det faktumet. Difor valde eg å vera open om det mange i pressa allereie visste, seier Eggen.
- Men var det naudsynt?
- Det vert jo også eit spørsmål for dei som valde å skriva det. Sidan det var kjent valde eg å vera ærleg om det. Deretter var det like mykje opp til dei som publiserte det.