Hytteeigarar i Nevlunghavn meiner kattane er ei plage, fordi dei grisar til friområde og hagar.
Kattane har vore eit problem i lang tid, men har toppa seg etter at bestanden har vokse frå 20 til 40 kattar det siste året, skriv Østlands-posten.
Miljøverninspektør, Hans Christian Nygaard oppmodar katteigarane i området til å merke katten sin for å unngå at dei blir avliva.
Dyrebeskyttelsen ser heller ingen annan utveg enn å avlive kattane på Omrestranda.
- Dersom ikkje folk ønskjer å ta seg av kattane er avliving einaste utvegen, seier Thone Andersen som er nestleiar i Dyrebeskyttelsen Sandefjord/Larvik.
