Den siste brannen i konteinarar og bildekk på Tuven blei sløkt rett før halv sju.
Over 150 bilar og dobbelt så mange personar stilte opp for å fortsette demonstrasjonane mot stenging av Storgata på Notodden natt til torsdag.
Politiet stengte innfartsvegane til Notodden og kontrollerte alle kjøretøy før dei fekk passere.
- Vi fekk stoppa om lag 100 bilar, seier politiførstebetjent Olav Stene.
Dette er tredje natta på rad med demonstrasjonar på Notodden.
Espen Kittilsen, er talsmann for rånarane. Han varslar at det kjem fleire demonstrasjonar og mobilisere via tekstmeldingar.
- Det kom bilar frå Skien, Sandefjord, Tønsberg, Larvik, Drammen og Oslo, seier Kittilsen.
Kittilsen reagerer sterkt på at politiet viser bort rånarar som har kjørt heilt frå Halden for å delta i det han kallar fredelege markeringar.