SE OGSÅ: |
ALT OM: |
Ordførar Erik Haatvedt i Tinn har vore i møte med næringsminister Ansgar Gabrielsen.
Ordførar Erik Haatvedt i Tinn kommune.
Bakgrunnen for møtet er konsesjonsavtala mellom Norsk Hydro og Tinn kommune som blei inngått i 1988.
Kan ta ut kraft
I denne avtala får Hydro løyve til å ta ut store mengder kraft frå kommunen, mot at Hydro garanterer for 350 arbeidsplassar i kommunen.
Tinn kommune meiner Hydro ikkje held sin del av avtala, og tok dette opp med statsråden.
- Gabrielsen har lova å gå gjennom avtala med Norsk Hydro, og gjere ei juridisk vurdering av avtala, seier Haatvedt.
Har sørga for arbeidsplassar
Norsk Hydro ser fram til å gå gjennom konsesjonsavtala med Tinn kommune.
Kommunikasjonsdirektør i Hydro Business Partner, Ragnvald Bertheussen, meiner Hydro alltid har halde avtalen.
- Etter vår oppfatning har vi etterlevd avtalen, og sørga for at det er 350 arbeidsplassar på Rjukan, seier han.