Tyrkia har skote ned drone ved Syria-grensa

Det kom først meldingar frå militærkjeldene om at det var eit fly som var skote ned.

Dronen vart skoten ned av tyrkiske jagarfly i tyrkisk luftrom nær grensa til Syria på fredag.

• Les også: – Russland kan forverre borgarkrigen i Syria
• Les også: Koordinert russisk-syrisk angrep

Kjeldene legg til at dei tyrkiske styrkane hadde varsla tre gonger før dei skaut.

Nasjonaliteten til dronen er ukjent, men russiske krigsfly har tidlegare blitt skulda for å ha krenkt tyrkisk luftrom.

– Alle våre dronar fungerer som planlagt

Ein russisk talsmann for forsvarsdepartementet opplyser om at alle deira fly i Syria er trygt tilbake på sine basar, og at alle russiske dronar fungerer som planlagt.

USA på si side meiner at Russland ikkje snakkar sant.

Ein amerikansk talsperson opplyser til nyheitsbyrået Reuters at dronen som vart skote ned av tyrkarane var russisk.