Domstolen som vart storma er driven av FN.
Dei serbiske innbyggjarane i byen har demonstrert utanfor bygningen i fleire veker etter at Kosovo erklærte seg uavhengig i februar.
I dag tok demonstrantane seg inn i bygget, og FN-politi som sto for vakthaldet, trekte seg attende.
Demonstrantane bytte ut FN-flagget med eit serbisk flagg. Det fortel ein talsmann for Kosovo-politiet.
- Den regionale FN-representanten forhandlar med serbiske leiarar for å løyse situasjonen, seier polititalsmann Besim Hoti.
Mitrovica er delt mellom 20.000 serbarar nord i byen og 80.000 kosovoalbanarar sør i byen.
