Det skal ikkje ha vorte retta nokon spesiell trussel mot flyet, opplyser ein talsmann for amerikanske styresmakter.
Årsaka til at passasjerflyet blir møtt på denne måten er at det er ein pakke frå Jemen om bord i flyet, som tilhøyrer flyselskapet Emirates. Flyet skal ha vore i Jemen i går.
Flyet frå Emirates landa trygt på JFK kl. 21.35 norsk tid.
Foto: EBUEtter funn av mystiske pakkar i fly tidlegare i dag er amerikanske styresmakter i høg beredskap med omsyn til gods frå Jemen. Det er frykt for at Al Qaida på den arabiske halvøya kan prøve å sende bombepakkar til adresser i USA.
Derfor blir alle fly som fraktar pakkar frå Jemen undersøkt spesielt nøye.
Det er gått ut særleg varsel til jødiske synagogar i Chicago om å vere svært forsiskrige, og at dei må varsle politiet om det kjem mystiske pakkar i posten.
Begge dei to mistenkjelege pakkane som vart funne i Storbritannia og Dubai i dag, skal ha vore adresserte til jødiske religiøse institusjonar i Chicago.
