Døydde på sjukehus etter flystyrt

Ti år gamle Anton Terekhin, som overlevde flystyrten i Russland tysdag, døydde på sjukehus i natt.

Fly styrtet i Russland

Dødstalet etter flykrasjen i Russland tysdag har stige til 45 etter at ti år gamle Anton Terekhin døydde på sjukehus i natt.

Foto: KIRILL KUDRYAVTSEV / Afp

Tiåringen Anton Terekhin overlevde flystyrten i den russiske byen Petrozavodsk, der 44 personar omkom . Men i natt døydde han på sjukehus, og dødstalet i flystyrten steig dermed til 45.

– Klokka 2.50 i natt døydde guten på sjukehuset i Petrozavodsk. Han hadde alvorlege brannskader, seier ein lokal talsperson til nyheitsbyrået RIA Novosti.

Mor døydde - søster i live

Flystyrt i Russland

Flyet starta å brenne etter krasjlandinga.

Foto: REUTERS TV / Reuters
Flystyrt i Russland

Myndigheitene undersøkjer no kva som var årsaka til at flyet krasja.

Foto: STRINGER/RUSSIA / Reuters

Terekhin var på veg frå den austlege byen Yuzhno-Sakhalinsk saman med mora og den 14 år gamle søstra si.

Mora Oksana døydde i krasjen, medan søstra vart sendt til Moskva for behandling.

Far i familien reiste frå Moskva til Sakhalin i dag, ifølgje ein talsperson for regionen.

Tupolev-flyet tok av frå Moskva tysdag formiddag, men nådde ikkje fram til destinasjonen. Flyet krasjlanda på ein motorveg utanfor Petrozavodsk, knuste og starta å brenne.

Åtte av dei 52 som var ombord var i live etter krasjen. No er berre sju av dei i live.

Ifølgje nyheitsbyrået Interfax var dei fleste passasjerane om bord i flyet russiske, men også ein svensk statsborgar skal ha vore med i flyet.

Skuldar på piloten

Ulykkesflyet, av typen Tupolev-134 , vart sett i drift på 1960-talet og har vore flittig brukt i kortbanetrafikk.

Den russiske visestatsministeren Sergei Ivanov la tidleg ansvaret for ulykka på piloten. I dag får han støtte frå kjelder på flyplassen og i kontrolltårnet.

Flyplassmyndigheitene seier piloten starta innflyginga for tidleg, og at flyet var 200 meter ute av kurs då landinga starta.

Kontrolltårnet opplyser at dei gav piloten beskjed om å avbryte landinga, og at dei bad han gjere eit nytt forsøk. Dei seier også at piloten sa han ville greie å lande på første forsøk.

Russiske myndigheiter etterforskar kva som skjedde i ulykka. Ferdskrivaren er funnen, og flyhavarikommisjonen håpar den vil hjelpe dei å gi eit detaljert bilete av kva som var årsak til flystyrten.

Innholdet som skulle vises her støttes dessverre ikke lenger.

Laster innhold, vennligst vent..
Laster innhold, vennligst vent..

SISTE NYTT

Siste nytt