NRK Meny
Normal

Sogndal unngjekk ny cupfadese

(SOGNDAL - ULL./KISA 4-3): Sogndal fekk smake eigen medisin mot 1. divisjonslaget Ull./Kisa, men takka være driblefanten Malick Mane kan dei likevel juble over cupavansement.

Malick Mane

DAGENS HELT: Med to målgjevande pasningar og to scoringar sendte Malick Mane Sogndal vidare i NM-cupen.

Foto: Snæland, Alf Vidar / NTB scanpix

Sogndal som har imponert i eliteserien fekk verst tenkelege start på tredje runde av cupen.

For kampen var berre 11 minuttar gamal då tidlegare Tromsø-spelar Morten Giæver skrudde eit lekkert frispark rundt muren og i nettmaskene.

Nytt Mane-mål

Morten Giæver

JUBLA: Morten Giæver vart tomålsscorar for Ull./Kisa.

Foto: Snæland, Alf Vidar / NTB scanpix

Ull./Kisa som har slite tungt i årets 1. divisjon pressa høgt dei første 45 minutta og gav Sogndal god kamp om å vere blant dei 16 laga som spelar i 4. runde.

Driblefanten Malick Mane skull derimot vise seg å bli tunga på vektskåla for vertane. Etter 25 minuttar sytte han for balanse i rekneskapen då han losna skot. Ballen gjekk via ein Ull./Kisa-spelar og i mål til stor jubel for heimepublikumet.

Pangstart

Fleire mål vart det ikkje i ein jamspelt førsteomgang, men Ulrik Flo gav publikum ein liten peikepinn på kva som venta etter kvilen. Berre få sekund ut i andre omgang var stryningen sist på ballen etter eit innlegg frå Mane.

(Artikkelen held fram under biletet)

Ulrik Flo tiljubla etter scoring mot Ull./Kisa.

JUBEL: Ulrik Flo gav Sogndal ein pangopning etter kvilen då han sette inn 2-1-målet.

Foto: Snæland, Alf Vidar / NTB scanpix

Gjestene brukte over 20 minuttar på å riste av seg sjokket. Men då Ull./Kisa-spelarane først gjorde det, gjorde dei det skikkeleg. Og då eksploderte også kampen.

Med 23 minuttar att på klokka utlikna først Giæver til 2-2 med si andre scoring for dagen. Då hadde Ull./Kisa produsert fleire gode sjansar. Men håpet varte kortvarig. I eitt minutt.

Mane igjen

For sjølv om gjestene heldt fram presset, var det leigesoldat Magnus Stamnestrø som sytte for nye jubelscener for heimelaget med sitt andre mål for sesongen. Sjølvsagt etter målgjevande frå Mane.

Fem minuttar etter var rollene bytta om då Mane spolerte Ull./Kisa sine håp om å detonere ei cupbombe på Fosshaugane. Også 4-2-målet gjekk via ein motspelar.

Heilt på tampen fekk publikum sjå kampens sjuande, og omgangens femte, scoring ved gjestenes Steevan Dos Santos.

Fleire «bomber»

Sogndal, som i fjor gjekk ut av cupen mot 3. divisjonslaget Florø, heldt 4-3 inn til slutt. Og unngjekk med det å bli mellom fleire eliteserielag som måtte takke for seg i 3. runde av cupen.

For i Stavanger var Oddbjørn Skartun sterkt delaktig med to mål, då Bryne senka Viking 4-2. Heller ikkje Hønefoss eller Brann kom seg vidare etter 2-1-tap for høvesvis Alta og Mjøndalen.

Også Aalesund måtte takke for seg etter cupmøtet med Ranheim.


Siste nytt

  • Canada slått av Tyskland

    Canadas hockeylag nådde ikke finalen i OL etter et sensasjonelt nederlag for Tyskland i semifinalen fredag. Tyskland vant 4-3 og møter OUR i finalen søndag. Bronsekampen mellom Canada og Tsjekkia spilles lørdag.

    Tyskland hockey
    Foto: Jung Yeon-je / AFP
  • Kristoff nummer åtte etter velt

    Alexander Kristoff fikk en tung fredag i Abu Dhabi Tour. Syklisten endte på åttendeplass på den 3. etappen av rittet etter at han endte i asfalten 45 kilometer før målgang. Tyske Phil Bauhaus knep seieren. Kristoffer Halvorsen ble nummer 13, mens Sven Erik Bystrøm trillet inn som nummer 38.

    Alexander Kristoff
    Foto: Giuseppe Cacace / AFP
  • OUR klare for hockeyfinale

    De russiske hockeyherrene er klar for OL-finalen etter 3-0-seier over Tsjekkia i semifinalen. Nikita Gusev, Vladislav Gavrikov og Ilja Kovaltsjuk scoret målene for OUR.

    I finalen venter Canada eller Tyskland.

    Pyeongchang 2018 Winter Olympics
    Foto: Grigory Dukor / Reuters

Sendeplan

Kl. Program Kanal