Russland strippa for all makt i skiskyting: – Dei er vingeklippa

Dei fire neste åra blir Russland nekta plass i sentrale maktposisjonar i Det internasjonale skiskyttarforbundet. I tillegg får dei ikkje lov til å arrangere internasjonale konkurransar.

Skiskyting

RUSSLANDS FALL HELD FRAM: Dei to neste åra får dei ikkje lov til å arrangere konkurransar. I tillegg blir dei nekta stemmerett og styreverv i Det internasjonale skiskyttarforbundet.

Foto: Sergei Grits / AP

– Dei er svært vingeklippa. Det manglar bare at utøvarane ikkje får lov til å konkurrere. I alt det andre er dei sett fullstendig på sidelinja, seier NRKs skiskyttarekspert Ola Lunde.

Som VG omtala tirsdag inngår ikkje Russland i konkurranseprogrammet i skiskyting dei to neste åra.

No opplyser Det internasjonale skiskyttarforbundet (IBU) til NRK at Russland også blir nekta stemmerett og plass i alle sentrale maktposisjonar i IBU.

– Dei kan ikkje ha medlemmar i styret eller teknisk komité dei fire neste åra. Dei har ikkje rett til å stemme ved neste kongress eller nominere nye medlemmar fordi dei ikkje er eit fullverdig medlem av IBU, seier Christian Winkler, som er presseansvarleg i IBU.

SVEKKA: Ola Lunde meiner situasjonen i skiskyttarnasjonaen Russland er kritisk.

Foto: Vidar Ruud / NTB scanpix

– Mistar kontakt med sporten

Dette kjem som følger av den store, russiske dopingskandalen, som ifølge McLaren-rapporten involverer eit statsstyrt dopingprogram i åra før Sotsji-OL.

Skiskyting er ein av russlands mest populære idrettar. Utan makt til å påverke går nasjonen tunge år i møte, meiner Lunde.

– Det gjør at Russland blir svekka som ein av dei store skiskyttarnasjonane. Det er alltid svært viktig for dei store nasjonane å vere i styret og i teknisk komité. Dette er kritisk for den russiske skiskyttarorganisasjonen, seier Lunde.

– Korfor er det viktig å vere med i styret og teknisk komité?

– Dei får ikkje sjansen til å påverke slik at dei får verdscup og VM. Dei får heller ikkje påverke utviklinga og regelendringane i sporten, seier Lunde.

– Dei mistar litt av kontakten med sporten ved å ikkje sitte i styret, seier Erlend Slokvik, president i Norges skiskyttarforbund.

Erlend Slokvik

KAN AVGJØRE RUSSLANDS VIDARE SKJEBNE: President i Norges skiskyttarforbund Erlend Slokvik.

Foto: NTB scanpix

Russlands skjebne i andre nasjonar sine hender

Ved neste kongress i Kroatia i september blir det også opp til Norge og dei andre medlemslanda om Russland får tilbake sin status som fullverdig medlem.

Norge har enno ikkje bestemt seg for om dei vil støtte Russland, men har konkludert med at eitt krav må vere innfridd om dei skal vere med på å gjere russarane til fullverdige medlemmer igjen.

– Dei må få WADA-godkjenning, som først og fremst går på at Russlands antidopinglaboratorium blir godkjent av Verdas antidopingorganisasjon. Det er faktoren vi meiner bør vere oppfylt, seier Erlend Slokvik, president i Norges Skiskyttarforbund.

Russland arrangerte verdscup til store protestar i vinter. Fleire nasjonar boikotta konkurransane i Tjumen.

Siste nytt

  • Magnus Carlsen med ny siger

    Etter Carlsen sin imponerande siger mot Richard Rapport søndag, leiar nordmannen storturneringa Wijk an Zee, saman med Viswanathan Anand. Carlsen har tre sigrar og fem remis. Måndag er det kviledag i Nederland, før han tysdag møter Samuel Shankland.

    Ny siger
    Foto: Koen Suyk / AFP
  • Manchester City lekte seg til seier

    Liverpool la lørdag press på utfordrer Manchester City, men i dag svarte de lyseblå med å valse over Huddersfield 3–0 på bortebane. Mål av Danilo, Raheem Sterling og Leroy Sané var nok til å sikre tre poeng for Pep Guardiolas menn.

    Britain Soccer Premier League
    Foto: Rui Vieira / AP
  • Sollied fikk sparken i Lokeren

    Trond Sollieds tid som trener i belgiske Lokeren er over, det melder TV 2. Han fikk bare ti kamper før det var slutt: To seire, én uavgjort og sju tap. Klubben ligger sist i den belgiske serien. Dette var Sollieds første trenerjobb på fem år.

    Trond Sollied
    Foto: VIRGINIE LEFOUR / Afp

Sendeplan

Kl. Program Kanal
V-cup hopp: Menn
Vinterstudio
V-cup hopp: 2. omgang, menn
Sport i dag
Sportsrevyen
VM håndball menn: Norge - Egypt