Hopp til innhold

Måltørke sidan mars - hattrick i kveld

Romelu Lukaku stal fullstendig showet med sine tre mål då Everton slo Sundeland 3-0 i kveld.

Romelu Lukaku

SLUTT PÅ TØRKEN: Her losnar det for Romelu Lukaku, som set inn det første målet sidan mars. 11 minutt etterpå hadde han fullført sitt hattrick

Foto: Phil Noble / Reuters

Laster innhold, vennligst vent..

1139 minutt hadde gått sidan sist Romelu Lukaku scora. Så kom det forløysande målet etter 60 minutt. 11 minutt seinare hadde Lukaku laga sesongens første hattrick i Premier League.

Sjølv tok han ikkje av.

– Vi skulle gjort det betre, spesielt i første omgang. Eg kunne hatt fem i dag, men eg er glad vi vann, sa kampens store spelar til Sky Sports.

Åtte skot, fem av dei mot mål, og tre av dei i mål. Det var Lukakus fasit då han gjekk av bana til enorme ovasjonar frå bortefansen tre minutt før kampslutt.

Sint manager

Første omgang var sjansefattig. Den enda mållaus trass ein stor sjanse til kvart lag. Jermain Defoe burde gitt heimelaget leiinga, men skaut over frå god posisjon. Lukaku tvinga fram ei kjemperedning av Sunderlands keeper Jordan Pickford like etter.

– Eg var skuffa over dei første 45 minutta og var veldig sint i pausen, sa Everton-manager Ronald Koeman. Han let spelarane få det glatte lag, og bytte samstundes ut Ross Barkley med Gerard Deulofeu. Det gav Everton meir breidde i spelet.

Kvarteret etter pausen kom resultatet.

  • Idrissa Gueye la inn til lengste stolpe, der Lukaku stod heilt fri og stanga inn det første.
  • Åtte minutt seinare trefte Yannick Bolasie med eitt av dei mange innlegga sine, og Lukaku lurte forsvaret og heada ballen i nettaket.
  • Og tre minutt etterpå var igjen Sunderland-forsvaret på tur. Kevin Mirallas' gjennomspel fann Lukaku heilt umarkert, og 3-0 til gjestene.

Då reiste mesteparten av heimepublikum seg og gjekk. Dei slapp derfor å sjå Lukaku treffe tverrliggaren i jakta på det fjerde målet.

Everton på tredjeplass

Hadde det gått nokre centimeter lågare, hadde Everton gått opp til andreplass på tabellen. No er dei bak Chelsea fordi dei har scora to mål færre.

– Det vi viste i andre omgang, er det nivået eg vi at vi skal vere på. Vi skal vere med og kjempe om europeisk fotball, det er eit realistisk mål, sa Koeman.

For Sunderland-manager David Moyes blei det eit trist gjensyn med klubben han leia med suksess i 11 år. Sunderland har berre teke eitt poeng under Moyes' leiing.

Forutan Lukaku var det Bradley Lowery som fekk størst applaus på Stadium of Light i kveld.

Lowery er fem år og var kampens maskot. Han fekk kreft då han var to år, og har fått tilbakefall. No prøverforeldrene å skaffe dei rundt 8 millionar kronene til behandling i USA. Fem minutt ut i kampen gav alle dei drygt 40.000 på tribunene unge Bradley eitt minutts applaus.

Laster innhold, vennligst vent..

Siste nytt

  • Finsk U21-spelar til Jerv

    Jerv har sikra seg angrepsspelaren Daniel Håkans (21) på lån det neste året.

    Eliteserieklubben frå Grimstad har også kjøpsopsjon på den finske spelaren, som kjem frå SJK i heimlandet.

    Håkans blir rekna som ein offensiv spelar som kan spele i fleire posisjonar.

    – Dette er vi utruleg glade for og spente på. Han har ein ekstrem fart og god erfaring frå det finske U21-landslaget, seier dagleg leder Jon Ole Reinhardsen i Jerv til klubbens nettstad.

    Jerv slit i botnstriden i eliteserien og har tapt dei fem siste kampane.

    Daniel Håkans
    Foto: Roni Lehti / NTB
  • Første Williams-siger på over eitt år

    Tennisveteranen Serena Williams pusta letta ut etter å ha vunne sin første tenniskamp på 14 månader måndag.

    Ho tok seg til andre runde i WTA-turneringa i Toronto etter å ha slått spanske Nuria Parrizas Diaz 6-3, 6–4.

    – Det er lys i enden av tunnelen. Eg kjem nærmare det lyset og kan ikkje vente med å nå det, sa Williams etter sigeren.

    Det har vore et tungt år for den amerikanske tennisveteranen, som blant anna rauk ut i første runde av Wimbledon i juni etter eit langt skadeavbrekk.

    40-åringen vil ikkje spekulere på si eiga framtid på tennisbana.

    – Eg elskar å spele tennis, men kan ikkje halde på i all æve, seier ho.

    Williams har vunne 23 Grand Slam-titlar i karrieren.

    Serena Williams
    Foto: Christopher Katsarov / AP
  • Grøvdal dropper Monaco-start

    Karoline Bjerkeli Grøvdal kommer likevel ikke til start på 1500-meteren under Diamond League-stevnet i friidrett i Monaco onsdag.

    Det bekrefter friidrettsprofilens trener Knut Jæger Hansen i en melding til VG mandag.

    – Kutter Monaco og fokuserer på EM, skriver han til avisen.

    Grøvdal er kvalifisert for både 1500 meter, 5000 meter og 10.000 meter under EM i München senere denne måneden. Det skal foreløpig ikke være tatt noen endelig beslutning om hvilke distanser friidrettsprofilen skal løpe.

    Grøvdal
    Foto: JON OLAV NESVOLD / BILDBYRÅN

Sendeplan

Kl. Program Kanal
Spilleliste med 52 klipp
Sport
Spiller nå
Her stagediver Vetle Sjåstad Christiansen etter den fjerde Blink-seieren 00:55
Neste