– Det var litt skremmande, sa Yin Wen etter sigeren i duellskytinga under Blink-festivalen fredag. – Eg kan ikkje tru det eg har opplevd.
– Ein skikkeleg sensasjon, sa NRK-kommentator Andreas Stabrun Smith.
Den kinesiske 27-åringen gjekk først til topps i kvinneklassen, og slo deretter Quintain Fillon Maillet i superfinalen. Franskmannen gjekk til topps i herreklassen.
Med berre eitt ekstraskot var Wen klart raskast. Franskmannen bomma med tre skot.
– Eg har berre trena skiskyting så lenge, sa ho til NRK og viser opp fem fingrar. – Berre fem månader.
Wen var tidlegare langrennsløpar og ønskte å prøve seg med skiskyting etter førre sesong.
– Det var skremmande, gjentok ho. – Fordi dei andre er så veldig gode utøvarar.
– Kjempesvært
Yin Wen er trena av norske Espen Løkholm. Han fortel at ho faktisk har prøvd skiskyting før. Ho var med i ei gruppe kinesarar som trena på Meråker for fem år sidan.
– Der var det også ein god trenarstab som har følgt henne. Men å lykkast på ein dag som dette, er helt fantastisk, seier Løkholm.
– Dette er kjempesvært, og ingen hadde drøymt om dette. Kinesarane har satsa pengar og organisert og styra på, og nettopp hatt OL på heimebane, sjølv om dei ikkje lykkast der. Men vi har berga helga med dette, sprudlar Løkholm.
Marte Olsbu Røiseland blei berre nummer 8, og er veldig imponert over den kinesiske jenta.
– At ho får til dette etter å ha trena i berre fem månader, er veldig imponerande. Vi må kanskje passe oss i vinter, sa Olsbø, som ikkje var det minste lei seg for å ha blitt slått av Wen.
– Det var skikkeleg gøy, sa Røiseland då ho gratulerte konkurrenten.
– Eg hadde ikkje sett pengar på henne før dette løpet, nei, seier Ingrid Landmark Tandrevold.
– Men det var veldig kult at ho kom og viste korleis det skal gjerast.
Overraska franskmann
Quentin Fillon Maillet, som blei slått i superfinalen, syntest det var moro å konkurrere mot henne.
– Eg var litt stress på den siste skytinga, og bomma for mykje til å utfordre henne, sa han til NRK.
– Blei du overraska over skytinga hennar?
– Ja, ho skyt raskt og betre enn alle kvinnene. Men vi må også hugse at dette ikkje er det same som «vanleg» skiskyting.
Eg er imponert over skytinga hennar. Ho skyt raskt og betre enn alle kvinnene, men vi må samtidig hugse at dette ikkje er det same som den «vanlege» skiskytinga, utan høg puls.
– Kven fryktar du mest i framtida, Noreg eller Kina?
– Med snø under beina trur eg framleis eg fryktar nordmennene mest.
