Normal

Jönsson: – Klubben har forsøkt å leggje ny kontrakt på bordet

Føtene til Michael Barrantes har vore mykje verdt for AaFK dei siste åra, men etter sesongen kan dei forsvinne. Med stillstand i kontraktsforhandlingane trur trenaren at AaFK-prestasjonane kan bli avgjerande.

Barrantes mot Ogude

Michael Barrantes, her i duell med Vålerenga-spelar Fegor Ogude, har heva Aalesund eit hakk eller to dei siste åra.

Foto: Grøtt, Vegard / NTB scanpix

– Han er sentral i vårt spel, er dyktig og legg ned ein stor arbeidsinnsats.

Jan Jönsson

AaFK-trenar Jan Jönsson fortel at laget i førsesongen måtte spele utan Barrantes på laget. Det kan bli realiteten etter årets sesong.

Foto: Grøtt, Vegard / NTB scanpix

Det seier AaFK-trenar Jan Jönsson.

Han er ikkje i tvil om at Michael Barrantes er viktig for Aalesund. Det er heller ikkje AaFK-fansen og administrerande direktør Henrik Hoff.

Likevel er det langt frå sikkert at 29-åringen frå Costa Rica blir i Ålesund by utover 2013.

For kontrakten varer ikkje lenger enn årets sesong, og Barrantes sjølv vil ikkje prate så mykje om temaet.

  • Trur du AaFK klarer å halde på Michael Barrantes utover årets sesong? Sei meininga di i kommentarfeltet nedst.

– Måtte klare oss utan

Det som derimot ikkje er usikker er at Barrantes på ny var sentral måndag, då AaFK banka Lillestrøm heile 7-1. Det gjer han med gjennombrotspasningar og ei unorsk ro over alt han set i verk med ein fotball.

– Han er veldig viktig for vårt spel. Då han var ute i førsesongen måtte laget klare seg utan han. Det er viktig det òg, slik at vi ikkje gjer oss for avhengige av nokon einskild spelar, seier Jönsson.

Så langt i årets sesong har Michael Barrantes både vunne duellar, lagt til rette for andre og sjølv scora mål. Ein frykta høgrefot har òg ført til fire scoringar.

Etter gårsdagens maktdemonstrasjon mot LSK er han delt toppscorar saman med Abderrazak Hamdallah og Leke James.

Saka held fram under videoen.

Når det går godt for AAFK, trivst ballfordelaren Michael Barrantes i klubben. Kanskje er det det som skal til for at han fornyar kontrakten? Costaricanaren sjølv vil derimot ikkje uttale seg om kontraktsforhandlingane.

Har eit håp om å få behalde gullføtene

Ingenting avklara

I lang tid har Henrik Hoff og AaFK forsøkt å overtyde costaricanaren om å forlengje, utan hell.

– Vi har vore i dialog med Barrantes om forlenging over ei god periode no. Førebels er ikkje noko avklara, verken om forlenging eller om han ikkje ønskjer å forlenge, fortel Hoff til NRK.

– Kva står det på akkurat no?

– Det står på fleire ting, men det får vi og Barrantes ta internt.

På spørsmål om Hoff trur midtbanejuvelen blir i klubben får vi svar i håp.

Michael Barrantes

Michael Barrantes bur i Ålesund saman med kona Andrea og sonen Arjen, oppkalla etter Bayern Munchen-spelaren Arjen Robben.

Foto: Svein Ove Ekornesvåg / NTB scanpix

– Eg har eit håp om at han skal halde fram i AaFK utover 2013-sesongen. Mike er ein fin fyr, ein svært godt fotballspelar og ein spelar vi trivst med å ha i AaFK, slår direktøren fast.

– Må spele fotballen vi spelte i går

Også trenar Jönsson fortel at dei no håper på kontraktsforhandlingar.

– Klubben har forsøkt å leggje ny kontrakt på bordet. Det er mogleg at den dialogen blir tatt opp igjen, fortel svensken.

Han meiner god fotball, sigrar, scoringar og ei god plassering kan bli avgjerande.

– Vi må halde fram med å spele fotballen vi spelte i går. Han trivst godt med den og kjenner at han er sentral i laget. Eg veit at han trivst godt med fotballen og familien her, men samstundes er han langt frå Costa Rica.

For fotballspelaren, som blir 30 år i oktober, har drøymt om å spele i større ligaer.

– Det kan vere noko som lokkar han, og det må ein ha forståing for, avsluttar Jönsson.

Siste nytt

  • OL-kongen slakter WADAs beslutning

    Tidenes mestvinnende idrettsutøver i OL-sammenheng, Michael Phelps, er oppbrakt over at WADAs beslutning om å gjeninnsette det russiske antidopingbyrået.

    – Når skal en organisasjon ta fullt ansvar og gå foran i kampen for å skape endring? For dette er ikke slik idretten er. Idretten handler ikke om å putte prestasjonsfremmende midler i kroppen, sa han til journalister i Hongkong fredag.

    Phelps
    Foto: DAVID GRAY / Reuters
  • Nilsen forlenger med Brann

    Lars Arne Nilsen forlenger kontrakten med Brann, skriver Bergens Tidende.

    Ifølge lokalavisen vil nyheten om trenerens kontraktsforlengelse bli offisielt bekreftet fra klubben senere fredag.

    Eliteserien fotball: Brann - Ranheim.
    Foto: Marit Hommedal / NTB scanpix
  • Idrettsstyret ut mot WADA-vedtak

    – Norges idrettsforbund og olympiske og paralympiske komité støtter verken WADAs vedtak eller oppmykingen av WADAs opprinnelige vilkår for RUSADAs gjeninntreden som nasjonalt russisk antidopingbyrå, skriver Idrettsstyret i en pressemelding fredag.

    Tom Tvedt
    Foto: Tore Meek / NTB scanpix

Sendeplan

Kl. Program Kanal
Sport i dag
Sport i dag
VM hestesport: Sprangridning lag, finale
VM hestesport - sprangridning finaler
VM hestesport, sprangridning lag