Fryktar Finland på VM-stafetten

Dagens mellomdistanse var siste sjangs til å ta individuell medalje i årets VM i orientering i Granåsen, Trondheim.

Norske Marianne Andersen leda då ho sprang over målstreken, men endte til slutt med bronsemedalje.

– Eg er veldig fornøyd med tredjeplassen til tross for at gullet glapp, sa Andersen til NRK etter løpet.

Kauppi kuppa gullet

Finske Minna Kauppi sprang godt på slutten, og tok gullet foran sveitsiske Simone Niggli på mellomdistansen for kvinner.

Andersen har frå før heile seks VM-sølv, men har aldri vunne ein VM-tittel individuelt.

– Eg manglar gullet, men eg har jo ikkje tenkt å gje meg enda. Det kjem nye sjangsar, sa drammensjenta etter dagens løp.

Tøffe finnar

Så seint som i fjor blei 30-åringen verdsmeister i orienterings-stafett. Ho fryktar likevel at Finland kan bli harde å slå i morgondagens VM-stafett i Trondheim.

– Eg føler at me har eit sterkt lag som absolutt bør vera med og kjempa i toppen, men det finske laget med Kauppi i spissen har vist at dei er i toppform. Me har ei vanskeleg oppgåve foran oss, seier Andersen.

Stafetten startar søndag klokka 11.30. Forutan Marianne Andersen skal Elise Egseth og Anne Margrethe Hausken springe etappane for Noreg.