Alpinistane tek over Holmenkollen – nytt verdscuprenn til Noreg

1.nyttårsdag 2018 skal Henrik Kristoffersen, Kjetil Jansrud og Nina Løseth køyre for verdscupsiger i Holmenkollen.

Holmenkollen

NYTT RENN: 1. januar 2018 blir det flomlysrenn i Holmenkollen med paralell-slalåm både for kvinner og menn.

Foto: Norges Skiforbund

– I motsetning til hopparane skal me begynne på andre sida frå Gratishaugen med rampe over vegen og vidare ned i botn av hoppbakken, gliser Kjetil Jansrud på toppen av Holmenkollbakken.

1.januar 2018 vil det skje noko heilt nytt i Holmenkollen. Du har sett langrennsløparar, skiskyttarar, kombinertløparar og ikkje minst skihopparar kjempe om verdscupsigrar i mange år i Holmenkollen.

Holmenkollen

START PÅ GRATISHAUGEN: Parall-slalåmen vil starte på toppen av Gratishaugen, over vegen og med mål nede i gryta i Holmenkollen.

Foto: Norges Skiforbund

– Meir spennande kvart år

I 2018 kan du feire det nye året med å sjå Kjetil Jansrud og co kjempe om verdscupsiger i Holmenkollen.

– Eg trur det blir ei heilt magisk ramme kor me endeleg får alpint inn i storbyen Oslo, i staden for at folk treng å ta turen heilt til Kvitfjell. Formatet med paralell-slalåm blir enda meir spennande for kvart år, ingenting er betre enn å få det til Noreg, meiner Jansrud.

Jansrud vann dobbeltsiger saman med Aksel Lund Svindal i paralell-storslalåm i Alta Badia i fjor. Også Stockholm har arrangert ein slik city-event eller paralell-slalåm dei siste sesongane.

Se video: Kjetil Jansrud forklarer hvor bakken skal være

Ville ha nytt verdscuprenn

Sportssjef, Claus Ryste seier alpinkomiteen har jobba lenge med å få eit nytt verdscuprenn i alpint til landet.

Me blei utfordra av FIS om å lage noko heilt nytt og spetakulært. Nå trur me at me har fått til eit veldig bra konsept med paralell-slalåm i Holmenkollen, seier Ryste.

FIS har bestemt på kongressen sin at rennet i Holmenkollen er inne i kalenderen for neste års sesong. Det blir eit paralell-slalåm både for kvinner og menn i flomlys, og erstattar city-eventen som tidlegare har blitt arrangert i München.

– For oss er det ein sjanse for å ta idretten til folket. Ein måte å vise oss fram og tiltrekkje oss tilskodarar nært der folk bur. Det er stor alpininteresse i Oslo og Akershus, så dette trur me vil vekkje stor interesse.

Alpintkomiteen har spesielt jobba med å få verdscuprenn på kvinnesida. Til nå er det berre fartsgutta som har hatt sjansen til å konkurrere på heimebane under dei årlege utfor og super-G renna på Kvitfjell i mars.

– Som ein sterk alpinnasjon med mange jenter på veg opp har me hatt eit sterkt ynskje om å få eit verdscuprenn for kvinner. Nå blir det både verdas beste kvinner og verdas beste menn i paralalell-slalåm, så nå har me fått dobbelt opp, seier ein fornøgd sportssjef.

Siste nytt

  • Blakstad til Manchester City

    Julie Blakstad forlèt Rosenborg er klar for spel i den engelske storklubben Manchester City.

    Rosenborg stadfgestar overfor VG at klubbane er samde om ein overgang. Den norske landslagsspelaren skal òg vere overeins med City om dei personlege vilkåra.

    Overgangsvindauget i den engelske superligaen for kvinner stengjer ved midnatt torsdag. Dermed er det knapt med tid på å få overgangen gjennom.

    Blakstad skal førre veke ha vore på besøk hos Manchester-klubben. 20-åringen kom til Rosenborg i 2020. Ho hadde tidlegare spelt for Ottestad og Fart.

    Den engelske storklubben ligg akkurat no på femteplass i ligaen.

    Toppserien i fotball 2021: Lyn - Rosenborg
    Foto: Annika Byrde / NTB
  • Barty mot Collins i tennisfinalen

    Det blir australsk-amerikansk kvinnefinale i Australian Open laurdag.

    Verdseinar Ash Barty leika seg til finalen med 6-1, 6-3 over useeda Madison Keys i semifinalen torsdag.

    Barty har enno ikkje tapt eit sett i turneringa. Ho har mista berre 21 games i seks kampar.

    Ho er første australiar i ein Australian Open-finale sidan Lleyton Hewitt i 2005, og har sjansen til å bli den første heime-vinnaren sidan Chris O'Neill i 1978.

    I finalen møter Barty Danielle Collins. Ho gjorde også kort prosess med sin motstandar, sjuande-rangerte Iga Swalek, og vann 6-4, 6-1.

    Ash Barty
    Foto: Hamish Blair / AP

Sendeplan

Kl. Program Kanal