Det viser resultata på ei undersøkjing Helsedirektoratet har gjort.
– Vi har eit signifikant langt lågare oksygenopptak enn resten av landet, seier stipendiat ved Institutt for folkehelse, idrett og ernæring ved Universitetet i Agder, Ingirid Stangeland.
Død og fysisk aktivitet
Saman med nordlendingane skiljer sørlendingane seg ut. Undersøkjinga er delt i to. Fase ein omfattar ei spørjeundersøkjing og ein aktivitetsmålar som 3400 forsøkspersonar bar på kroppen i testperioden.
- LES OGSÅ: Mindre fysisk aktivitet i skolen
Faste to, som nett er ferdig, besto av fysiske testar av vel 900 personar frå heile landet i alderen 20-85 år, der blant anna uthald og styrke er målt. Forskaren er uroa for at låg aktivitet og dårleg kondisjon vil gå utover helsa til sørlendingane.
– Tidlegare forsking viser at det er ein samanheng mellom tidleg død og fysisk form. Det er det vi kan ta utgangspunkt i der, seier ho.
Sørlandsk mentalitet?
Så er spørsmålet om kva som er årsaka til resultata. Er det noko i myta om sørlendingen som sit i snekka si, og let overdrivne fysiske aktivitetar segle i sin eigen sjø. Eller er det noko med mentaliteten til sørlendingen som gjer at han eller ho tek livet litt for mykje med ro?
– Det kan jo vere ei forklaring. Har vi ein annan livsstil og ei anna haldning til fysisk aktivitet. Det er slike ting ein kan spekulere i, seier ho.
- LES OGSÅ: Hodepine av fysisk aktivitet
NRK.no tok ein tur innom Mcdonalds i Kristiansand som denne romjulsdagen er prega av barnefamiliar og ungdommar. Ein småbarnsfar sit og et hamburger med familien. Han er overraska over at sørlendingane er noregsmeistarar i dårleg kondisjon.
– Vi er flinke
– Eg tykkjer ikkje vi er i dårleg form. Det er ikkje mitt inntrykk. Eg tykkjer det er mange som er flinke, seier han.
På Spicheren treningssenter i Kristiansand er det ein jamn dur av treningssyklar og løpsmaskiner, popmusikk og TV-sport på ein storskjerm. Bjørn Aslaksen frå Lillesand fortel at han prøvar å trene ein gang i veka, men vedgår at det ikkje alltid blir slik.
- LES OGSÅ: Gravide blir sofagriser
– Viss eg skal vere ærleg vert det ikkje kvar veke, men eg prøvar iallefall å komme her eit par gonger i veka, seier han før han set i gang.
– Må ha noko godt å ete
– Så får vi sjå kor lenge eg held. Eg tek det ganske lett, for det er berre for å få litt trim, seier han.
På Mcdonalds sit ein gutegjeng i slutten av tenåra. Dei et hamburgarar med godt samvit og trur ikkje sørlendingane sin form er så ille som forskarane vil ha det til.
– Eg tykkjer det mange som driv med idrett her. Eg spelar fotball, men når vi er i byen må ein ha noko god mat, seier ein av dei.
