Politiet fekk tips om at ein mann var i ferd med å kjøpe sex i Kristiansand sentrum tysdag føremiddag.
– Vi sende ei patrulje og det viste seg å stemme, seier operasjonsleiar i Agder-politiet, Ingrid Mæhre til NRK.
32-åringen er meld for forholdet og risikerer no bot på opp mot 25 000 kroner.
I juli fortalde NRK at gateprostitusjon har auka betydeleg i Kristiansand, men at det samstundes er stadig færre som vert ilagt førelegg for sexkjøp.
Då sexkjøplova vart innført i 2009 var det åtte personar på Agder som fekk førelegg. Sidan har talet gått nedover.
I juli var det berre ein person som var bøtelagd for sexkjøp, trass i at Kristiansand kommune sitt helseteam altså har registrert at gateprostitusjonen i byen har auka betydeleg i omfang.