– Her var isen veldig tjukk. Cirka 18 centimeter. Den er trygg og god, seier Per Thomas Skaanes i Kristiansand og Oppland turistforeining til NRK.no.
– Ver forsiktig
KONTROLL: Per Tomas Skaanes sjekkar isen.
Foto: Kjell Pedersen/NRKHan sjekka forholda på isen i Jegersberg-området i Kristiansand tysdag. Han har ei klar formeining om kva som er trygg is.
- LES OGSÅ: Rekordtidlig trygg is
– Ein bør som regel ha ti centimeter. Då veit ein at dersom det skulle vere tynnare enkelte stader, vil ein framleis ikkje gå gjennom isen, seier han.
Likevel rår han folk til å vere særs forsiktige når ein skal gå på skøyter. Tek ein sjansar kan det få fatale konsekvensar.
Bør ha lokalkunnskap
– Ein må vite litt om lokale forhold og gjerne snakke med folk som er kjende på vatnet og er kjend med dei farlege områda på vatnet, seier Skaanes.
- LES OGSÅ: Farlig lek på utrygg is
– Ta aldri sjansar. Det vil ofte vere fotspor ute på vatnet. Då er det freistande å ta turen sjølv, men ta gjerne ein liten kontroll med dei som veit litt. Om det så er kommunen eller turistforeininga eller andre, seier han.
Han ber folk spesielt sjekke isen ved inn- og utløp.
– I myrområder bør ein også vere veldig forsiktig, seier han.
