Les òg:
Håvard Lothe
Håvard Lothe frå Florø og bandet gav i 2009 ut si første studioplate med tittelen Dorian Grey. Den hausta gode meldingar og låta Oceans Between gjekk rett inn på toppen av Fylkestoppen. Låta vann også den siste fylkestoppen i 2009. Bandet hadde ei enorm oppleving då dei fekk spele for eit publikum på 40.000 under ein konsert i Kina. Hausten 2009 var dei på turne med den nye plata og i november spelte dei for Kong Harald i Grieghallen.
Maria Helgesen
Maria Helgesen har vore den store profilen på fylkestopplista i 2009. Ho entra den 16.april og måtte etter seks runder forlate den med flagget til topps i novemberutgåva. Tre andre, ein tredje -og to topp-plasseringar er det blitt på 27-åringen frå Selje som laga si første vise tidleg i ten-åra.
Stine Beate Bøthun Breilid
Den unge artisten Stine Beate frå Fresvik vart årets Lutt-talent i 2008. Ho deltok på Julelutt det året med låta "I got to go now." Den gjekk også inn på fylkeslista i 2008, og vart liggande inne i store deler av det nye året. Låta gjekk først ut etter å ha vore med i seks månader, noko som er tidsgrensa for låtar på Fylkestoppen.
Tonereise
Tonereise frå Luster kom hausten 2009 ut med si nye plate med namnet Lekmann. Musikkuttrykket til Tonereise er framleis basert på songarven etter folkemusikaren Ragnar Vigdal, som i si tid samla hundrevis av gamle, religiøse folketonar. Låta "Den gamle Steinen" har lagt på Fylkestoppen heile hausten 2009, og noterte seg for ein første plass.
Billa and the Kid
Songen om Vikahuset frå sogndølene i Billa and the Kid har vore ein av dei store lokale radioslagerane i år. Den vart vinnar av Fylkestoppen i sommar. Dei tilsette og innsette i Vikahuset og radiolyttarane har nynna i lag med sogndølene på den fengjande visa, med glimt i auga. Bandet blir kalla eit av dei beste livebanda i Sogn for tida.
Glima
Torunn Raftevold Rue i Glima er kanskje mest kjent som ei av dei sju Honndalstausene. Men ho har også 12 år bak seg i trioen Glima som har base i telemark. Dei gav ut plata Tåran i 2009, og vart med den nominert til ein Folkelarmpris. Glima var innom Fylkestoppen med Jølstraspringar i tre månader.
Christina Knudsen
Christina Knudsen vart kjent gjennom lokalmusikprogrammet Lutt hausten 2009. Der framførte ho sin eigenskrivne låt Not Worth It, som også så langt har to andreplassar på Fylkestoppen. Deretter vart det speling både på NRK si jubileumsending, for Kongen under ei tunnelopning i Jølster og på Julelutt. Knudsen er elev ved musikklina på Firda vidaregåande skule og er no klar med si andre låt på spelelista til NRK Sogn og Fjordane.