Várra stuorra bargoheaitagii

Lea ain stuorra várra ahte olu almmolaš ásahusbargit mannet bargoheaitagii. Golbma iešguđet bálkášiehtadusa galggašedje sohppojuvvot, gielddaid, stáhta ja Oslo gieldda ovddas, mas lea sierra šiehtadallan. Duháhat bargit váldojuvvojit bargoheaitagii, jos eai beasa ovtta oaivilii. Riikkasoabadalli Mats Ruland lohká šiehtadallamiid váttisin, muhto jáhkká iežaset beassat čovdosii.