Váldán gitta ovddeš sámediggepolitihkkára
Ruoŧa ovddeš sámediggepolitihkkár váldui vuossárgga gitta ja áššáiduhttui seksuála veahkaválddálašvuođa geažil mánáid vuostá. Bolesat leat dutkagoahtán ášši, muhto bolesa allaguoddi ii sáhte muitalit manne ovddeš sámepolitihkkár lea váldon gitta. Allaguoddi lohká Ruoŧa Sámerádioi ahte áigot jođánit dutkat ášši ja leat vuoruhan návccaid dasa, dieđiha SR Sámerádioi.