Lobiheamet bivdán gonagasreabbáid

Riddobearráigeahčču lea váidán moaddásiid go leat lobiheamet bivdán reappáid Ruovdevuonas Mátta-Várjjagis. Nu boahtá ovdan maŋŋá go čađahedje bivdobearráigeahčču vuossárgga. Riddobearráigeahčču muitalii ieš áššis Twitteris. Riddobearráigeahčču duoguštii oktiibuot 21 gonagasreabbá bivdosiid ja badjel 700 gonagasreabbá luitojuvvojedje fas merrii.