KulturSápmi álgá odne
KulturSápmi čoahkkana dán vahkus Váhčirii, Jiellevárrái. Dáhpáhus čohkke sámi dáidda- ja kultursuorggi doibmiid oktii vuosttaš geardde koronapandemiija maŋŋá. Dáhpáhus lágiduvvo Grand Hotel Laplandis Jielleváris 10.–11.8.
Sámiráđđi lágida dáhpáhusa ja Sámiráđi kulturossodaga hoavda Christina Hætta atná dáhpáhusa dehálažžan.
– KulturSápmi lea dehálaš arena, daningo sámi dáidda- ja kultursuorggis leat unnán deaivvadanbáikkit, gos suorggi doaibmit besset čoahkkanit ja ságastit áigeguovdilis áššiin, lohká Hætta preassadieđáhusas.