Dohkketmeahttun láhtten
Bådådjos vásihii 5-jahkásaš bártnáš sámevaši go miessemáno 17. beaivve lei mánáidráiddus vázzimin. Sus lei gákti badjelis ja sámeleavga gieđas. Olles olbmot cuiggodedje go sámeleavgan lei ávvudeamen Norgga nationálabeaivve.
Bådåddjo sátnejođiheaddji Ida Pinnerød reagere garrasit dasa ja dadjá ahte lea áibbas dohkketmeahttun láhtten.
–Unohas go 5- jahkásaš bártnáš dien vásihii mii lea njulgestaga rasisma. Das ferte juoidá dahkat, dadjá son. Bártnáža eadni Hege Annie Nordlund Hagen dadjá ahte vaikko son lea suhttan, de bártnáš ii galgga oaffarin šaddat ja dát ságastallan gullá ollesolbmuide.