Buvvda båhtá sáme giellaháldadimguvvluj
Buvda stáđđastïvvra miededij uddni åhtsåt sáme giellaháldadimkommuvdnaj sjaddat. Bär Åvvdånimbelludaga nällje representánta jienastin dán vuässte. Guäkkte sámegielajda gallgá dä Buvda kommuvdna sáme giellaháldadimguvvluj åhtsåt: Bidumsámegiella ja julevsámegiella. Dájna kommuvdna departemänntaj åhtåmusav säddi. Åvdep ietjá diggir åhtsåmij milde, jáhkkolis jahke åvdåst dä mierreduvvumav stáhtaráđest båhtá. – Gu lä buorre barrgo dálátjij dagadum, dä sihtap änj åvvdålij lävvkit. Vil ienap lä mijan särra vásstedibme sáme gielav sujjtit, hållá Buvda báhkojådedäjje Ida Pinnerød.
Lågå julevsámen dánne./Dánna julevsábmáj lågå./Les på lulesamisk her.
