– Som foreldre må ein jo seia at dette lovar betre enn rådmannen sitt forslag, seier Sekretariatsleiar i kommunalt foreldreutval, Nina Bøhnsdalen.
- Les òg:
Det er Høgre, Venstre, Kristeleg folkeparti, Senterpartiet og Pensjonistpartiet som i dag har lagt fram Stavanger-budsjettet for 2012.
Ville kutta 11,8 millionar
Nina Bøhnsdalen er sekretariatsleiar i kommunalt foreldreutval. Ho er nøgd med at skulane får auke i budsjettet.
Foto: Ole Andreas Bø / NRK
Budsjettet for Stavanger kommune.
Foto: Vibecke Gudmundsen / NRK
Hermetikkindustriens laboratorium er eit av bygga Stavanger kommune vil selja.
Foto: Ole Andreas Bø / NRKSkulen blei altså er den klare vinnaren i budsjettet, som blir kalla «Bærekraft og omstilling». I rådmannen sitt forslag blei det føreslått å kutta skulebudsjettet med 11,8 millionar kroner.
Dette kuttet har nå blitt fjerna, og det har i staden blitt tilført 4,5 millionar til skulen, 1 million til kompetanseheving av lærarar, 1 million til auking av kvalitet i SFO og 500.000 til buss i samanheng med den kulturelle skulesekken.
Foreldreutvalet er nøgd med styrkinga av skulen, men meiner likevel ikkje budsjettet er roseraudt.
– Det er framleis eit stramt skulebudsjett og me registrerer jo at SFO-betalinga vi auke allereie i februar i staden for august, seier Bøhnsdalen.
Skal selja kommunale bygg
I tillegg til styrkinga av skulen har det blitt satsa på oppvekst og levekår.
Eit anna hovudgrep som er gjort er at budsjettet for drift av kommunen har blitt styrka med 42,8 millionar kroner.
Måten kommunen vil få inntekter er ved mellom anna å betala ned gjeld slik at renteutgiftene blir mindre. Pengar til å betala ned gjeld vil koma gjennom sal av kommunale bygg og reduksjon i investeringsbudsjettet.
– Hovudgrepet er at me sel ein del av den kommunale bygningsmassen. Mellom anna vil me selja hermetikkfagskulen og hermetikklaboratoriet, seier ordførar i Stavanger Christine Sagen Helgø.
Budsjettet inneheld også auka eigenbetalingar.
