– Me har hatt nok å henga fingrane i den siste veka, og særleg i dag, seier dagleg leiar Jan Egil Stølsvik.
- Les òg:
Fleire enn tidlegare
Normalt får dei inn fire til fem bilar dagleg. Den siste veka har dei teke imot over 100. Og heile 25 av desse kom inn i dag, same dagen årsavgifta har forfall.
Grunnen til dette er at 21. mars er siste frist for å betala årsavgifta, og om du ønskjer å unngå ho må du skrota bilen din.
– Folk vel å dryga til siste frist, seier Stølsvik, som kan fortelja at det til tider har vore lange køar i dag.
Dei har fått inn meir bilar i år enn dei to føregåande år, noko han trur skuldast betre økonomi. Det ser han også på type bilar som kjem inn:
– Skrotar flottare bilar
– I dag opplever me å skrota bilar som til dømes ein Audi 100 frå midt på 90-talet, det ville ikkje skjedd for to år sidan, seier han.
Han legg til at også gamle, utrygge og meir forureinande bilar blir skrota, noko han ser på som positivt.
Mars og Juni er dei travlaste månadane for huggeriet når det gjeld mottak av bilar.