Frå fredag til søndag blei det totalt gjort 14 bustadinnbrot i kommunane Time og Gjesdal. Også i Sola har politiet fått meldingar om fleire innbrot. I tillegg har det skjedd ytterlegare tre innbrot i Rogaland polititidistrikt i går kveld og i natt.
Les også:
Tre personar i varebilen
På det meste har tjuvane fått med seg verdiar på opp mot 100.000 kroner i bustadinnbrota.
– Me etterlyser nå ein varebil med sota ruter. Det var tre personar i bilen sist den blei sett på Lye. Truleg er det austeuropearar, seier Morten Slettebø ved Time Lennsmannskontor.
Fleire tips
Også Gjesdal-politiet har fått inn fleire tips etter dei mange innbrota, der det har blitt stole både gull, pengar og andre verdisaker.
– Me har blitt tipsa om både mistenkelege køyretøy og personar, seier lensmann Einar Haugland.
Politiet trur det er ein samanheng mellom innbrota. Dei fleste stadane har tjuvane tatt seg inn i bustadane via terrassedørene.