Både flyklubben og flymuseet på Sola fyller 30 år i år. Dette blir feira med ein eigen flydag neste helg, og NRK har fått vera med på høgtsvevande og akrobatiske førebuingar til den doble bursdagen.
- LES OG: Dei er galne etter fly
- NETT-TV: Glimt av Norge: Flygal
Eitt av høgdepunkta blir flyklubben sine eigne Saab Safir. Dette er fly som snart er 60 år gamle, og som i si tid fungerte som treningsfly for det norske forsvaret.
Nord-Jæren har alt
Flya egnar seg godt for akrobatikk og formasjonsflyging. Og det var ein tur i dette flyet NRK fekk prøva.
Og det er ikkje berre sjølve flyet flyentusiastane vil skryta av. Også området rundt Sola–Nord-Jæren–er heilt spesielt, meiner piloten.
Artikkelen held fram under videoen.
VIDEO: Sjå heile flyturen NRK-reporteren var med på. Klippet er filma med eit lite kamera som er festa på den eine vingen, og varer i 30 minutt.
– Dette området er eit av dei beste, både med flatt terreng, fjordar, sjø, strender og høge fjell, seier pilot Espen Tjetland.
– Det er lidenskap
Jubilantane heiter offisielt Sola Flystasjon Flyklubb og Flyhistorisk Museum Sola, og håpet er at Flydagen blir årleg.
– Her tar me vare på den tekniske kulturhistoria frå mange år tilbake. Dette er lidenskap for alle oss som held på i flymiljøet, seier Ole Johan Berg ved flymuseet.
Førstkomande laurdag kan også publikum bli med opp ned i lufta med eit anna fly. Men det kostar: Kvar tur, som varer i 20 minutt, har ein pris på 6000 kroner.
